ERICA purpurea.
CHARACTER SPECIFICUS.
Erica, antheris muticis, exsertis; corollis verticillatis, tubulosis, a basi incurvata, sensim ampliatis; foliis subsenis.
DESCRIPTIO.
Caulis fruticosus, erectus, bipedalis, pubescens, basi simplicissimus, dein verticillatim ramosus, ramis simplicibus, adscendentibus.
Folia subsena, linearia, recurvato patentia, supra plana, subtus revoluta, acuta, rigida, brevissimis adpressis petiolis.
Flores verticillati, subterminales, dilute purpurei, pedunculis brevissimis instructi.
Calyx. Perianthium tetraphyllum, foliolis erectis, ovato-oblongis, acuminatis; bracteis binis adpressis.
Corolla tubulosa, basi incurvata, sensim versus apicem dilatata; ore quadrilobo æquali patente.