CHARACTER SPECIFICUS.
Erica, antheris muticis, inclusis; foliis quaternis, retortis, apice setaceis, margine ciliatis; floribus umbellatis, viscosis, carneis, ampullaceis.
DESCRIPTIO.
Caulis fruticosus, pedalis, erectus, ramosus; rami flexuosi, filiformes.
Folia quaterna, retorta, seta terminali aristata, margine ciliata, glabra, supra plana, subtus sulcata; petioli brevissimi, adpressi.
Flores plures, subterminales, sæpe quatuor, verticillati, viscosi; pedunculi longi, bracteis tribus instructi.
Calyx. Perianthium tetraphyllum, foliolis aristatis, apice ciliatis, subovatis, viscosis, adpressis.
Corolla, basi inflata, apice attenuata, ima parte carnea, summa saturate purpurea, ore arctata, laciniis ovatis, reflexis.
Stamina. Filamenta octo capillaria, receptaculo inserta. Antheræ inclusæ, villoso-muticæ.
Pistillum. Germen clavatum; stylus exsertus, purpureus; stigma tetragonum.