DESCRIPTIO.
Caulis decumbens, rigidus, scaber, sub-spithamæus, ramosissimus; ramulis brevibus.
Folia terna, subulata, trigona, acuminata, subtus tenuissime sulcata, supra plana, glabra, profundé viridia; petiolis brevissimis, adpressis.
Flores in ultimis ramulis, bini vel terni, cernui; pedunculi brevissimi, bracteis nullis.
Calyx. Perianthium duplex, exterius triphyllum, foliolis lato-ovatis, rigidis, carinatis, acuminatis; interius tetraphyllum, foliolis flaccidis, linearibus, longioribus.
Corolla cylindrica, ad basin parum inflata, viridi-lutea, oris laciniis revolutis.
Stamina. Filamenta octo linearia, plana, corolla multoties longiora, receptaculo inserta. Antheræ muticæ, exsertæ, nec filamentis distinguendis.
Pistillum. Germen sub-ovatum. Stylus filiformis, exsertus. Stigma tetragonum.
Habitat ad Caput Bonæ Spei.
Floret a mensi Februarii, in Julium.