DESCRIPTIO.
Caulis fruticosus, erectus, ramosissimus; rami et ramuli patento-erecti, valde cicatrisati.
Folia terna, trigona, glabra, linearia, rigida, mucronata, sexsariam imbricata; petiolis brevissimis, adpressis.
Flores in apicibus ramulorum umbellati, numerosi, erecti; pedunculi colorati, longitudine corollarum; bracteæ duæ supra medium pedunculi, tertia vero ad basin.
Calyx. Perianthium tetraphyllum, foliolis ovatis, mucronatis, concavis, membranaceis, coloratis, longitudine sere corollæ.
Corolla ventricosa, ore arctata, carnea; laciniis patentibus, mucronatis, semi ovatis.
Stamina. Filamenta octo, capillaria, curvata. Antheræ muticæ, inclusæ, flavæ.
Pistillum. Germen subrotundum, sulcatum. Stylus inclusus, filiformis. Stigma peltato-tetragonum.
Habitat ad Caput Bonæ Spei.
Floret a mensi Augusti, in Novembrem.