Folia terna, linearia, subulata, supra plana, subtus sulcata, glabra, saturate viridia; petiolis brevissimis, adpressis.
Flores plures, subcernui, tres quatuorve ramuli terminantes prope caulis summitatem; pedunculi brevissimi.
Calyx. Perianthium duplex, interius tetraphyllum, foliolis aurantiis, apice sulcatis, adpressis; exterius triphyllum, priori brevior, apice virescens.
Corolla subcylindracea, medio paulula arctata, costata, ima parte aurantia, apice virescens; laciniis reflexis.
Stamina. Filamenta octo, ima parte spathulata, summa linearia, receptaculo inserta. Antheræ muticæ, subinclusæ.
Pistillum. Germen orbiculatum, sulcatum. Stylus filiformis, exsertus. Stigma tetragonum, virescens.
Habitat ad Caput Bonæ Spei.
Floret a mense Octobris, in Aprilem.
REFERENTIA.
| 1. Calyx, et Corolla. |
| 2. Calyx lente auctus. |
| 3. Stamina et Pistillum. |
| 4. Stamina a Pistillo diducta; et stamen unum lente auctum. |
| 5. Stylus, et Stigma, lente aucta. |