CHARACTER SPECIFICUS.
Erica, antheris muticis, exsertis, floribus terminalibus, sessilibus, sub-ternis; corollis albidis, urceolatis, tectis calyce lanato; calycis foliolis ovatis, carneis; foliis ternis, linearibus, obtusis, margine revolutis, pilosis.
DESCRIPTIO.
Caulis filiformis, sub-erectus, glaber, flexuosus; rami filiformes, villosi, ramuli capillares, frequentes, tomentosi.
Folia terna, linearia, obtusa; seniora, reflexa, juniora patentia, margine pilis longis hirta.
Flores in extremis ramulis terminales, sessiles, sub-terni; bracteis tribus, minutis, adpressis.
Calyx. Perianthium tetraphyllum, foliolis ovatis, concavis, exterioribus totis densissime albo-lanatis, interioribus carneis.
Corolla urceolata, pubescens, alba, tota tecta calyce lanato; oris laciniis patentibus, obtusis.
Stamina. Filamenta octo capillaria. Antheris muticis, exsertis, atris.
Pistillum. Germen turbinatum, pubescentem, ad basin glandulosum. Stylus filiformis, staminibus paulo longior. Stigma tetragonum.