Erica, antheris muticis, sub-inclusis; folia sena, tremulenta, linearia, conferta, attenuata in petiolos capillares; floribus clavatis, albidis.
DESCRIPTIO.
Caulis tripedalis, laxus, erectus, basi simplicissimus, ramis simplicibus adscendentibus.
Folia sena, conferta, glabra, linearia, tremulenta, subtus sulcata, attenuata in petioles capillares semiunguiculares.
Flores in ramulis verticillati, erecto-patentes; pedunculis brevibus bracteis tribus instructis.
Calyx. Perianthium tetraphyllum, foliolis subulatis, adpressis, glabris, viscosis.
Corolla clavata, pollicaris, alba, pubescens; oris laciniis patentibus.
Stamina. Filamenta octo capillaria; antheræ muticæ, subinclusæ.
Pistillum. Germen turbinatum, summum pilis longis coronatum. Stylus filiformis, exsertus. Stigma tetragonum.
Habitat ad Caput Bonæ Spei.