ERICA vestita coccinea.
CHARACTER SPECIFICUS.
Erica, antheris muticis, sub-exsertis; foliis senis, tremulis, linearibus, attenuatis in petiolos capillares; corollis clavatis, pollicaribus, coccineis.
DESCRIPTIO.
Caulis erectus, sesquipedalis, parum ramosus, ramulis simplicibus, foliis tectis.
Folia sena, linearia, tremula, glabra, subtus sulcata, attenuata in petiolos capillares semiunguiculares.
Flores in ramulis mediis conferti, numerosi, erecto-patentes, pedunculis brevibus, bracteis tribus linearibus adpressis.
Calyx. Perianthium tetraphyllum, foliolis subulatis adpressis glabris.