DESCRIPTIO.
Caulis erectus, cinereo-fuscus, pedalis; rami verticillati, erecto-patentes, raro ramulosi.
Folia sena, incurvata, acuta, glabra, sub-glauca; petiolis adpressis.
Flores in summite ramorum verticillati, conserti, brevissime pedunculati, bracteæ calyciformes.
Calyx. Perianthium tetraphyllum, foliolis subulatis, marginibus membranaceis, acutis, carinatis.
Corolla curvata, elevata, pubescens, sanguinea; oris laciniis erectis.
Stamina. Filamenta octo capillaria, longitudine tubi. Antheræ muticæ, sub-inclusæ.
Pistillum. Germen turbinatum, sulcatum. Stylus filiformis, exsertus. Stigma tetragonum.
Habitat ad Caput Bonæ Spei.
Floret a mensi Augusti, in Decembrem.