CHARACTER SPECIFICUS.
Erica, antheris basis bicornibus, inclusis; corollis longissimis, viscosis, sulcatis, sesquipollicaribus, laciniis maximis, cordatis; foliis ternis.
DESCRIPTIO.
Caulis, rami, ramulique filiformes, flexibiles; rami simplices, longi.
Folia terna, apice patentia, serrata, acuminata, crassa, subtus sulcata.
Flores terminales, umbellati, terni, erecti, pedunculi longissimi, purpurei, bracteis tribus, coloratis, instructi.
Calyx. Perianthium tetraphyllum, foliolis spathulatis, crassis, viscosis, apicibus obtusis, extra concavis.
Corolla sesquipollicaris, sulcata, linearia, summa inflata, ore arctata; laciniis cordatis, maximis, expansis; extra dilute carnea, intus albida.
Stamina. Filamenta octo capillaria, torta; antheræ basi bicornes, apice cornutæ, inclusæ.
Pistillum. Germen oblongum, sulcatum; stylus rectus, filiformis exsertus, purpureus; stigma tetragonum.