ERICA discolor.
CHARACTER SPECIFICUS.
Erica, antheris aristatis, inclusis; stylo exserto; corollis tubulosis, subcylindraceis; foliis ternis.
DESCRIPTIO.
Caulis fruticosus, tripedalis, teres, erectus, gracilis, superne pubescens, ramulis subsimplicibus.
Folia terna, linearia, erecto-patentia, supra plana, subtus revoluta, nitida, saturate viridia.
Flores plerumque tres, subcernui, ramei, terminales, prope caulis summitatem.
Calyx. Perianthium duplex, interius tetraphyllum, foliolis ovatis, erectis, luteo-virentibus: exterius triphyllum, foliolis brevioribus priori incumbentibus.
Corolla tubulosa, subcylindracea, ima parte, carnea, pallida, summa, flavo-virescente, limbo quadrilobo, æquali erectiusculo.