DESCRIPTIO.
Caulis suberectus, pedalis ramosissimus, rami, et ramuli, flexuosi, divaricato patente.
Folia quaterna, obtusa, linearia, glabra, subtus sulcata; petiolis brevissimis, adpressis.
Flores terminales, racemum densé formantes; pedunculi longissimi, purpurei, bracteis tribus instructi.
Calyx. Perianthium tetraphyllum, foliolis ovatis, carinatis, acuminatis.
Corolla subovata, cernua, carnea, ore contracto, lævissime quadrisido, laciniis erectis.
Stamina. Filamenta octo capillaria, receptaculo inserta. Antheræ cristatæ, sub-inclusæ.
Pistillum. Germen subrotundum. Stylus filiformis, exsertus. Stigma tetragonum.
Habitat ad Caput Bonæ Spei.
Floret a mensi Julii, in Octobrem.