Folia terna, glabra, in ramis adultioribus latiora, obtusa, in ramulis junioribus linearia, acuta, minora; petiolis brevissimis.
Flores in ramulorum apice terni, nutantes, albi, spicam quasi formantes prope caulis summitatem; pedunculi fere nulli.
Calyx. Perianthium, duplex, exterium tetraphyllum; foliolæ oblongæ, membranaceæ, obtusæ apice reflexæ, liberæ, coloratæ; interium foliolis similibus sed duplo majoribus priori.
Corolla oblongo-ovata, acuminata, glabra, fauce arctata, candidissima; laciniis reflexis, obtusis.
Stamina. Filamenta octo capillaria. Antheræ inclusæ, aristatæ, nigræ.
Pistillum. Germen oblongum, glabrum, ad basin glandulosum. Stylus filiformis, parum curvatus. Stigma tubulosum.
Habitat ad Caput Bonæ Spei.
Floret a Maio, in Julium.
REFERENTIA.
|
1. Folia terminalia ramulorum ad basin florum. 2. Calyx 3. Corolla. 4. Stamina et Pistillum, anthera una diducta, lente aucta. 5. Germen auctum. 6. Pistillum, magnitudine naturali, Stigma auctum. |