CHARACTER SPECIFICUS.
Erica antheris basi bicornibus, exsertis; corollis subturbinatis, costatis, purpureis, laciniis revolutis; foliolis calycinis apice barbatis; floribus terminalibus, umbellatis; foliis ternis, lato-linearibus, obtusis, marginibus hispidis.
DESCRIPTIO.
Caulis fruticosus, palmaris, ramosus; rami et ramuli divaricati, patentes.
Folia terna, lato-linearia, obtusa, margine pilis longissimis obsita, subtus sulcata, patentia.
Flores terminales, umbellati; pedunculi longissimi, capillares, bracteis tribus foliolis calycis similibus instructi.
Calyx. Perianthium tetraphyllum, foliolis spathulatis, denticulatis, viscosis, apice barbatis.
Corolla subturbinata, costata, fauce parum arctata, purpurea; laciniis revolutis.
Stamina. Filamenta octo capillaria, torta. Antheræ bicornutæ, exsertæ, nigræ, lineariæ.
Pistillum. Germen ovale, sulcatum. Stylus filiformis, parum curvatus, exsersus. Stigma obsoletum.