ERICA palustris.
CHARACTER SPECIFICUS.
Erica, antheris muticis inclusis, corollâ subtrilineari pubescente, foliisque quaternis pubescentibus, tubo anguste campanulato, laciniis brevibus.
DESCRIPTIO.
Caulis tenuis, et flexuosus, ramis divaricatis itidemque tenuibus, ramulis numerosis brevibusque.
Folia quaterna, expansa, vel recurvata, linearia, obtusa, et pubescentia.
Flores terminales in ramulis lateralibus et numerosi, subverticillati, et sæpius ternati; pedunculi corollis duplo breviores, basi bracteis tribus minutis vestiti.