ERICA pinifolia coccinea.
CHARACTER SPECIFICUS.
Erica, antheris muticis inclusis, floribus dense verticillatis tubulosis, foliis consertis subsenis incurvis.
DESCRIPTIO.
Caulis fruticosus, brevis, robustus, paululum flexuosus, cicatricibus foliorum asper; rami foliis dense tecti, numerosi, subverticillati, patentes, atque expansi, apicibus adscendentibus.
Folia plerumque sena, perconferta, linearia, subuncialia, lente obsolete pubescentia, subtus sulcata, seniora recurva, sed post medium incurvo-adscendentia, et inde sæpe hamata; petiolis adpressis.
Flores verticillatim spicati, conferti, nutantes, coccinei; pedunculi sesquilineares, pubescentes, irregulariter bracteati.