CHARACTER SPECIFICUS.
Erica, antheris muticis inclusis, floribus subgeminatis pendulis campanulatis pubescentibus, foliis linearibus quaternis itidem pubescentibus.
DESCRIPTIO.
Caulis fruticosus, subpedalis, flexuosus, ramis flexuoso-patentibus, ramulis floriferis pendulis.
Folia quaterna, linearia, pubescentia, subtus sulcata, petiolis brevibus, adpressis; seniora reflexa.
Flores terminales in ramulis lateralibus, pendulis; plerumque binati; pedunculi colorati, bracteis tribus ad calycem instructi.
Calyx tetraphyllus, foliolis ovatis acuminatis, concavis, pubescentibus, coloratis, adpressis.
Corolla campanulata, rubro-purpurea, laciniis late ovatis, patentibus.
Stamina octo capillaria; antheræ muticæ, inclusæ.
Pistillum. Germen breve tiaræforme; stylus filiformis inclusus; stigma tetragonum.