DESCRIPTIO.
Caulis fruticosus, bipedalis, ramis ramulisque erectis, et sæpe alternis.
Folia plerumque quinata vel sena, erecta, setacea, in petiolos capillares deorsum attenuata.
Flores 2-3-nati, fere laterales, nutantes; pedunculi breves, bracteis tribus instructis.
Calyx tetraphyllus, foliolis subulatis, adpressis.
Corolla cylindrica, paululum curvata, uncialis, læte rosea, laciniis subrectis.
Stamina filamenta octo capillaria, mutica, plerumque inclusa.
Pistillum. Germen tiaræforme, basi poris melliferis instructum. Stylus filiformis, sæpe subexclusus. Stigma tetragonum.
Habitat ad Caput Bonæ Spei.
REFERENTIA.