ERICA barbata, minor.
CHARACTER SPECIFICUS.
Erica, antheris cristatis, sub-exsertis, stylo exserto; corollis urceolatis, albis, pilosis; pedunculis longissimis; bracteis distantibus; floribus umbellatis, terminalibus; foliis quaternis, ovatis, barbatis, patentibus, glanduloso-ciliatis.
DESCRIPTIO.
Caulis fruticosus, pedalis, flexuosus; rami filiformes, laxi, pauci; ramuli, villosiusculi, patenti.
Folia quaterna, ciliata, ovata, parum curvata, patentia, subtus concava, supra glandulosa; petiolis adpressis.
Flores in ultimis ramulis, terminales, umbellati, cernui, pedunculi pilis obsiti, foliis longiores, bracteis distantibus.
Calyx. Perianthium tetraphyllum, foliolis, spathulatis, barbatis, glanduloso-pilosis, adpressis.
Corolla urceolata, alba, pilosa, viscosa, oris laciniis patentibus.