CHARACTER SPECIFICUS.
Erica, antheris cristatis subinclusis, floribus capitatis cernuis subcampanulatis, foliis quaternis linearibus, ramulisque hispidis.
DESCRIPTIO.
Caulis suffrutescens, semipedalis, flexuosus, valde ramosus, ramulis filiformibus, patentibus, hispidis, itidemque flexuosis.
Folia quaterna, brevia, linearia, obtusa, valde hispida; seniora patentia, vel recurva.
Flores capitatim aggregati, terminales, parvuli.
Calyx tetraphyllus, foliolis erectis, subulatis, hispidis, corollâ brevioribus.
Corolla parva, nuda, obsolete campanulata, incarnata, laciniis subovatis, patulis.
Stamina octo capillaria, antheris cristatis, inclusis.
Pistillum. Germen tiaræforme. Stylus filiformis, subinclusus. Stigma tetragonum.