ERICA speciosa.
CHARACTER SPECIFICUS.
Erica, antheris aristatis inclusis, foliis ternatis linearibus villosis, floribus lateralibus ternatis tubulosis et viscosis.
DESCRIPTIO.
Caulis fruticosus bipedalis, erectus, ramosus, ramulis plerumque oppositis, erectis, et plus minus pubescentibus.
Folia ternata, linearia, obtusa, subtus sulcata; juniora erecta, pubescentia; senioria expansa, vel recurva, et villosa; omnia petiolis brevibus adpressisque instructa.
Flores 2-4-nati, sed plerumque ternati; cernui, terminales in ramulis lateralibus, pedunculis coloratis calyce longioribus.
Calyx tetraphyllus, foliolis subulatis, ciliatis, bracteis tribus adpressis ad basin.
Corolla cylindrica, uncialis, curvata, viscosa, lucida, saturate et læte rubra, sed apicem versus viridis, et quadrifida, laciniis superne patentibus.