ERICA acuta.
CHARACTER SPECIFICUS.
Erica antheris cristatis, inclusis; floribus ternis; foliolis calycis ciliatis, apicibus setaceis; corollis urceolatis, purpureis; foliis subulatis, erectis, mucronatis, quaternis.
DESCRIPTIO.
Caulis erectus, pedalis, gracilis; rami pauci, filiformes, erecti; ramuli plurimi, brevi, erecti.
Folia quaterna, subulata, mucronata, glabra, rigida, erecta; petiolis brevissimis, adpressis.
Flores in apice omnium ramulorum terni, cernui; pedunculi longitudine florum, bracteis tribus, ciliatis instructi.
Calyx. Perianthium tetraphyllum; foliolis lanceolatis, ciliatis, apice setaceis.
Corolla urceolata, purpurea, glabra; laciniis limbi, acutis, parum reflexis.