DESCRIPTIO.
Caulis suffruticosus, spithameus, dumosus, perflexus, ramulis filiformibus, expansis decumbentibusque, superne numerosioribus.
Folia ternata, cordato-ovata, ciliata, subtus glauca.
Flores axillares, solitarii, pedunculis basi bracteis duabus instructis.
Calyx tetraphyllus, foliolis subulatis ciliatisque.
Corolla parva, urceolata, saturate rosea, laciniis expansis, subtus concavis.
Stamina octo, capillaria, antheris bicornibus subinclusis.
Pistillum. Germen tiaræforme, basi glandulis melliferis instructum; stylus filiformis, exertus; stigma tetragonum.
Habitat ad Caput Bonæ Spei.
Floret a mense Martii ad Julium.