CHARACTER SPECIFICUS.
Erica, antheris muticis subexertis, corollis clavatis pollicaribus saturate et læte rubris, foliis senis setaceis, in petiolos capillares deorsum attenuatis.
DESCRIPTIO.
Caulis fruticosus, tripedalis, ramosus, ramis plerumque erectis, subsimplicibus.
Folia plerumque sena, setacea, deorsum in petiolos capillares attenuata, et inde tremulentia, subtus sulcata.
Flores supra medium ramorum, conferti, numerosi, patuli, pedunculis brevibus, bracteis tribus instructis.
Corolla uncialis et ultra, clavata, læte et saturate rubra.
Calyx tetraphyllus, foliolis ovatis, et longissime acuminatis.
Stamina octo, capillaria, receptaculo affixa, antheris muticis, paulo exertis.
Pistillum. Germen tiaræforme; stylus filiformis, exertus; stigma tetragonum.