ERICA vestita incarnata.
CHARACTER SPECIFICUS.
Erica, antheris muticis inclusis, foliis 6-8-nis setaceis longissimis, in petioles capillares attenuatis, floribus conferte verticillatis inferne albidis, superne læte roseis.
DESCRIPTIO.
Caulis fruticosus, rectus, bipedalis, ramis simplicibus, adscendentibus, venuste foliosis.
Folia sena, septena, vel octona, erecta, aggregata, setacea, in petiolos capillares deorsum attenuata, et inde pereleganter tremulosa.
Flores aggregatim verticillati supra medium ramulorum, patuli; pedunculi breves, bracteis tribus foliiformibus instructi.
Calyx tetraphyllus, foliolis late subulatis, adpressis.
Corolla clavata, uncialis, parum curvata, basin versus albicans, superne læte rosea.