ERICA vestita rosea.
CHARACTER SPECIFICUS.
Erica, antheris muticis sub-exsertis; corollis clavatis, pollicaribus, roseis; foliis octonis, in petiolos capillares deorsum attenuatis.
DESCRIPTIO.
Caulis erectus, plus minusve flexuosus, ramis longis, simplicibus, foliosis.
Folia plerumque octona, conferta, setacea, semilinearia, obtusa, deorsum in petiolos capillares attenuata, et inde eleganter tremula.
Flores aggregatim verticillati, apices versus ramorum robustiorum, expansi vel nutantes; pedunculi breves, bracteis tribus alternis medio instructi.