Folia sena, linearia, obtusiuscula, expansa, vel demum declinata.
Flores infra apices ramorum, confertim verticillati ex axillis foliorum, breviter pedunculati, horizontales.
Calyx tetraphyllus, viscosus, foliolis subulatis, adpressis, bracteis tribus itidem adpressis.
Corolla cylindrica, uncialis et ultra, saturate viridis, viscosa, asperiuscula, laciniis revolutis.
Stamina octo, capillaria; antheræ muticæ, inclusæ.
Pistillum. Germen tiaræforme, pubescens; stylus filiformis; stigma tetragonum.
Habitat ad Caput Bonæ Spei.
Floret Maio ad Septembrem.
REFERENTIA.
|
1. Folium lente auctum. 2. Calyx, et Bracteæ adpressæ. 3. Corolla. 4. Stamina diducta, antherâ unicâ lente auctâ. 5. Pistillum stigmate diducto lenteque aucto. 6. Germen pubescens et album, lente auctum. |