CHARACTER SPECIFICUS.
Erica, antheris aristatis inclusis; stylo exerto, apice curvato; corollis clavato-tubulosis, curvatis, pilosis, rubro-purpureis, apicibus virentibus; floribus terminalibus; foliis ternis, pilosis.
DESCRIPTIO.
Caulis fruticosus, bipedalis. Rami pauci, erecti; ramuli frequentissimi, erecto-patentes.
Folia terna, linearia, pilosa, subtus sulcata; petiolis adpressis.
Flores terminales, sub-bini, numerosi; pedunculi crassiusculi, bracteis duabus minutis instructi.
Calyx. Perianthium tetraphyllum, canaliculatum; foliolis ovato-acuminatis, intus viscosis, adpressis.
Corolla clavato-tubulosa, curvata, pilosa, rubro-purpurea, apice virescens, viscosa; laciniis limbi erectis.
Stamina. Filamenta octo capillaria; antheræ aristatæ, inclusæ.
Pistillum. Germen tiaræforme, ad basin summumque glandulosum. Stylus filiformis, exertus, apice curvatus. Stigma tetragonum.