ERICA conserta.
CHARACTER SPECIFICUS.
Erica antheris muticis, subinclusis floribus consertissime capitatis erectis, terminalibus, globosis; caule simplicissimo, strictissimo, robusto; foliis quaternis, subulatis, glabris, rigidis, senioribus retrofractis.
DESCRIPTIO.
Caulis simplex, erectus, robustus, bipedalis; ramuli brevi, horizontales, verticillati.
Folia quaterna, subulata, rigida, glabra, mucronata; seniora retrofracta; juniora erecta, subtus tenuissime sulcata, petiolis brevibus adpressis.
Flores terminales, in apice ramulorum consertissimi capitati, erecti, plurimi, sæpe duodecim; pedunculi brevissimi, bracteæ tres: duæ ovatæ adpressæ, infima subulata, triplo longior.
Calyx. Perianthium tetraphyllum, foliolis subulatis, membranaceis, apicibus distantibus.
Corolla globosa, glabra, subalbida, laciniis limbi obtusis, suberectis.