CHARACTER SPECIFICUS.
Erica antheris muticis, inclusis; stylo exserto, corollis tubiformibus, rectis; floribus laxè spicatis, subsecundis, palide luteis, apicibus subalbidis; foliis quaternis, linearibus, erectis, glabris.
DESCRIPTIO.
Caulis erectus strictissimus, flexilis, parum ramosus, bipedalis, fruticosus; rami tenui, pauci, erecti; ramuli filiformes, virgati.
Folia quaterna, in apicibus ramulorum sæpe terna, obtusa, glabra, erecta, linearia, petiolis brevissimis, adpressis.
Flores in ramulis terminales, racemum formantes prope caulis summitatem; pedunculi brevissimi; bracteis tribus ad basin calycis.
Calyx. Perianthium tetraphyllum, foliolis subulatis, adpressis, glaberrimis.
Corolla tubiformis, recta, subpubescens, subpollicaris, pallide lutea, apice subalbida, laciniis brevissimis, obtusis, parum reflexis.
Stamina. Filamenta octo capillaria. Antheræ muticæ, inclusæ.
Pistillum. Germen ovatum, sulcatum. Stylus filiformis, exsertus. Stigma obsolete tetragonum.