ERICA flava.
CHARACTER SPECIFICUS.
Erica, antheris muticis subinclusis, marginibus foliorum ternatorum asperiusculis, corollâ ovatâ costatâ sub-quadrilineari.
DESCRIPTIO.
Caulis fruticosus, suberectus, cortice fulvo, ramis distantibus, paucis, simplicibus, suberectis.
Folia ternata, suberecta, dein patula, denique expansa et flexuosa, linearia, crassiuscula, lucida, subtus sulcata, marginibus lente minutissime cartilagineo-ciliatis, et inde tactu asperiusculis.
Flores numerosi, subcongesti, infra apices ramorum, nutantes vel cernui; pedunculi corollâ longiores, bracteis tribus distantibus muniti.
Calyx tetraphyllus, foliolis subulatis, marginibus minutissime ciliatis.
Corolla ovata, costata, læte lutea, laciniis patentibus obtusissimis.