CHARACTER SPECIFICUS.
Erica, antheris muticis inclusis, foliis quaternis late linearibus pilis glandulosis ciliatis, floribus umbellatis terminalibus.
DESCRIPTIO.
Caulis fruticosus, subpedalis, fuscus, valde flexuosus; ramis numerosis, senioribus decumbentibus, apicibus adscendentibus.
Folia quaterna, expansa, vel recurva, ciliata pilis apice glandulosis; petiolis brevissimis, appressis.
Flores terminales, umbellati, nutantes, vel cernui, 4-6 in singula umbella.
Calyx tetraphyllus, foliolis inæqualibus purpureis pilis glanduliferis ciliatis.
Corolla ovata, nitida, purpurea, laciniis subrotundis, erectis.
Stamina, filamenta octo capillaria. Antheræ muticæ, inclusæ.
Pistillum. Germen tiaræforme, valde sulcatum. Stylus superans tubum corollæ. Stigma tetragonum.