ERICA gracilis.
CHARACTER SPECIFICUS.
Erica, antheris inclusis basi bicornibus, corollis subquaternis subglobosis terminalibus, foliis linearibus erectis itidem quaternis.
DESCRIPTIO.
Caulis fruticosus, sesquipedalis, suberectus, ramulis filiformibus, pergracilibus, numerosis.
Folia quaterna, linearia, tenuia, glabra, erecta, petiolis minutis, adpressis.
Flores plerumque quaterni in capitulis terminalibus, pedunculis capillaribus, corollâ longioribus, bracteis tribus, linearibus, instructis.
Calyx tetraphyllus, foliolis ovato-lanceolatis, coloratis, glabris, adpressis.
Corolla parva, subglobosa, læte purpurea, ore paululum contracta, laciniis subrotundis, erecto-patulis.