DESCRIPTIO.
Caulis erectus, ramosus, bipedalis, villosus; rami et ramuli oppositi, suberecti.
Folia terna, linearia, obtusa, hirta, supra rotundata, subtus sulcata, recta, patentia, petiolis, brevibus adpressis.
Flores terminales, terni, cernui; pedunculi brevissimi; bracteæ 3, lanceolatæ, ciliatæ, longitudine calycis adpressæ.
Calyx. Perianthium tetraphyllum, foliolis lanceolatis, ciliatis, dorso sulcatis.
Corolla clavata, sub apice ventricosa, pollicaris profundè rubro purpureo, apice virescens; ore parum arctato, laciniis obtusis, erectis.
Stamina. Filamenta octo capillaria. Antheræ aristatæ, inclusæ.
Pistillum. Germen subovatum, apice truncatum, sulcatum. Stylus filiformis, exsertus. Stigma, subpeltatum.
Habitat ad Caput Bonæ Spei.
Floret a Januario in Aprilem.