CHARACTER SPECIFICUS.
Erica antheris muticis, exclusis; floribus terminalibus, quaternis; foliolis calycis spathulatis, margine serratis; laciniis corollæ hastatis, erectis, atro-purpureis; foliis quaternis, obtusis, horizontalibus.
DESCRIPTIO.
Caulis erectus, subpedalis, ramosus; rami horizontals, rigidi; ramuli pauci, rami similes.
Folia quaterna, obtusa, linearia, horizontalia, glabra; petiolis minutis, adpressis.
Flores in ultimis ramulorum umbellati, cernui, quaterni, sæpe terni; pedunculis brevibus, bracteis tribus, spathulatis, imbricatis.
Calyx. Perianthium tetraphyllum, foliolis spathulatis, concavis, viscosis, marginibus serratis, adpressis.
Corolla ovata, glabra, basi alba, apice purpurea; oris laciniis hastatis, erectis, atro-purpureis.
Stamina. Filamenta capillaria, longitudine tubi. Antheræ muticæ, exsertæ, lineariæ, longitudine filamentorum.
Pistillum. Germen subrotundum compressum, sulcatum. Stylus filiformis, exsertus. Stigma obsoletum.