CHARACTER SPECIFICUS.
Erica, antheris basi bicornibus, inclusis: stylo sub-exerto: floribus terminalibus: pedunculis longissimis: corollis albis, ampullaceis, viscosis: foliis ternis, trigonis, subulatis.
DESCRIPTIO.
Caulis pedalis, erectus: rami longi, sub-simplices.
Folia terna, trigona, subulata, recta: apice mucronato, supra plano, subtus carinato.
Flores terminales in umbellis quinis vel decem: cum pedunculis longissimis rubris, patentibus vel cernuis.
Calyx. Perianthium tetraphyllum: foliolis lanceolatis, carinatis, acutis, viscosis.
Corolla alba, ad basin carnea, glutinosissima, pollicaris, lucida, summatim cylindracea, ad basin inflata; ore arctata, laciniis expansis, sub-ovatis.
Stamina. Filamenta octo capillaria, tenuissima, torta: antheræ basi bicornes, apice acuminatæ, inclusæ.
Pistillum. Germen ovatum, sulcatum. Stylus filiformis, sub-exertus. Stigma tetragonum.