DESCRIPTIO.
Suffrutex pygmæus, at robustulus, subpedalis, erectus, ramis plerumque simplicibus, vix patulis.
Folia ternata, in verticillis distinctis, parum declinata, lanato-ciliata, subtus sulcata.
Flores axillares, sæpius solitarii, subsessiles, primo nutantes, demum cernui.
Calyx duplex, exterior minor, 3-phyllus, foliolis adpressis, ovatis acutis, extus convexis, carinatis et tomentosis: interior tetraphyllus, foliolis ut in exteriore, at plus duplo majoribus.
Corolla quadrifida, magna, ovata, subacuta, inflata, tomentosa, albido-lutescens, basi fusco-purpurascens, laciniis ovato-lanceolatis, convergentibus, obtusis.
Stamina octo, capillaria, basi latiora, 4 interiora erecta, 4 exteriora perflexuosa; antheræ barbatæ, inclusæ.
Pistillum. Germen tiaræforme: stylus filiformis: stigma tetragonum.
Habitat ad Caput Bonæ Spei.
Floret a mense Octobris ad Januarium.