DESCRIPTIO.
Caulis pedalis et ultra, erectus, fruticosus: ramis confertis, in verticillis irregularibus.
Folia quaterna et quina, glabra, linearia, obtusa, adscendentia.
Flores in umbellis terminalibus, confertis: pedunculis brevibus.
Calyx. Perianthium tetraphyllum: foliolis lanceolatis, in medio canaliculatis, adpressis.
Corolla tubulosa, oblonga, rosacea: limbo equali: laciniis semi-orbiculatis, patentibus.
Stamina. Filamenta octo capillaria, receptaculo inserta. Antheræ basi bicornes, inclusæ.
Pistillum. Germen tiaræforme, pilosum, sulcatum.
Habitat ad Caput Bonæ Spei.
Floret a mense Septembri in Aprilem.