CHARACTER SPECIFICUS.
Erica, antheris muticis, inclusis: stylo exerto. Flores ramulos terminant. Corolla campanulata, incarnata: foliis ternis, mucronatis. Caulis fruticosus, ramosus.
DESCRIPTIO.
Caulis sesquipedalis, fruticosus. Rami et ramuli numerosi, erecti, patentes vel cernui.
Folia terna, trigona, glabra, erecto-patentia, apice mucronato incurvato.
Flores ramos terminant, et terni vel seni sunt et cernui. Pedunculi longi, colorati: bracteis tribus mucronatis.
Calyx tetraphyllus: foliolis ad basin ovatis, apice mucronato, coloratis, adpressis.
Corolla campanulata, incarnata: oris laciniis æqualibus, erecto-patentibus.
Stamina. Filamenta octo capillaria. Antheræ muticæ, inclusæ.
Pistillum. Germen tiaræforme, sulcatum, ad basin nectariferum. Stylus filiformis, exertus. Stigma concavum.