ERICA mutabilis.
CHARACTER SPECIFICUS.
Erica, antheris basi bicornibus, sub-exertis: floribus tubulosis, terminalibus, in umbellis irregularibus, inæqualiter purpureo coloratis: folia subulata, obtusa, hispida: caulis erectus, pedalis.
DESCRIPTIO.
Caulis fruticosus: rami laxi, divaricati: ramuli numerosi, erecto-patentes.
Folia in ramulis ternata, adscendentia; in ramis quaterna et quina, ad basin plantæ recurva; supra convexa, subtus sulcata; margine pilis longissimis obsita: quædam breviora, glandulosa: petiolis glandulosis.
Flores terminales, in umbellis irregularibus, plerumque horizontaliter siti: pedunculi longissimi, capillares, colorati, glandulis tecti, cum bracteis tribus lanceolatis, glandulosis.
Calyx. Perianthium tetraphyllum; foliolis lanceolatis, sulcatis, coloratis, glandulosis, adpressis.
Corolla tubulosa, costata, leviter pilosa; imprimis saturate purpurea, denique pallidior.