Folia patentia, terna, late-linearia, obtusa, subtus sulcata, marginibus revolutis pilis longis et glandulis obsitis.
Flores ramos terminant in umbellis, patentes: pedunculis longissimis: bracteis tribus adpressis.
Calyx tetraphyllus: foliolis angustis, apice glandulosis.
Corolla uncialis, pyramidalis, costata, purpurea, sub apice inflata, ad basin attenuata: ore arctata, quod nigrum est: laciniis obliquis, revolutis.
Stamina octo capillaria: antheræ aristatæ, exertæ, cohærentes.
Pistillum. Germen tiaræforme, viride, ad basin nectariferum. Stylus filiformis, exertus. Stigma concavum.
Habitat ad Caput Bonæ Spei.
Floret a mense Martii in Junium.
REFERENTIA.
|
1. Calyx lente auctus. 2. Flos. 3. Stamina et Pistillum, antherâ unicâ lente auctâ. 4. Pistillum et Germen, stigmate lente aucto. 5. Germen lente auctum. |