DESCRIPTIO.
Caulis fruticosus, pedalis, ramosus; rami laxi, filiformes.
Folia quaterna, reflexa, rigida, ciliata, acuminata, subtus sulcata.
Flores terminales, umbellati, conferti, pedunculis brevibus, bracteis tribus lanceolatis ciliatis adpressis.
Calyx tetraphyllum; foliolis lanceolatis, ciliatis, adpressis.
Corolla ventricosa, nitidissime alba, basi quadrata, ore arctata, leviter sulcata; limbus maximus, laciniis rotundatis patentibus; glandulæ octo fauci circumpositæ.
Stamina. Filamenta octo capillaria; antheræ inclusæ, bifidæ, basi bicornes.
Pistillum. Germen conicum, basi glandulosum. Stylus filiformis, subexertus. Stigma tetragonum.
Habitat ad Caput Bonæ Spei.
Floret a mense Maio in Augustum.