DESCRIPTIO.
Caulis fruticosus, brevis, robustus, paululum flexuosus, cicatricibus foliorum asper; rami foliis dense tecti, numerosi, sub-verticillati, patentes, atque expansi; apicibus adscendentibus.
Folia plerumque sena confertissima, linearia, uncialia, subtus sulcata, seniora recurva, sed post medium incurva, adscendentia.
Flores verticillati sub apicibus ramorum horizontaliter; pedunculi colorati, hirsuti; bracteis tribus hirsutis.
Calyx tetraphyllus; foliolis linearibus, subulatis, hirsutis, adpressis.
Corolla tubulosa, costata, pollicaris, pilis glandulosis densissime circumsessa, apicem versus albis, ad basin rubris; laciniis revolutis, obsolete crenulatis.
Stamina. Filamenta octo, capillaria; antheræ sub-inclusæ, muticæ.
Pistillum. Germen tiaræforme, lanatum. Stylus filiformis, sub-exsertus. Stigma tetragonum.
Habitat ad Caput Bonæ Spei.
Floret a mense Maio in Julium.