CHARACTER SPECIFICUS.
Erica, antheris cristatis inclusis, corollis cylindraceo-urceolatis, pallide purpureis, fragrantibus; floribus terminalibus; foliis quaternis.
DESCRIPTIO.
Caulis erectus, fruticosus, ramosus, bipedalis; rami et ramuli filiformes.
Folia quaterna, obtusa, curvata, subtus sulcata.
Flores terminales, in ramulis numerosis, quaterni, pedunculis brevibus.
Calyx. Perianthium duplex, exterius triphyllum; foliolis ovatis, ad interiores adpressis, imbricatis; interius tetraphyllum, foliolis majoribus, fimbriatis.
Corolla cylindraceo-urceolata, odorata, pallide-purpurea; laciniis revolutis.
Stamina. Filamenta octo capillaria; antheræ cristatæ, inclusæ.
Pistillum. Germen tiaræforme, tenuissime lanâ tecta, ad basin nectariferum. Stylus filiformis. Stigma tetragonum.