DESCRIPTIO.
Frutex pygmæus, elegans, ramosissimus; ramis et ramulis flexuosis, erecto-patentibus.
Folia quaterna, linearia, glabra, supra plana, subtus sulcata.
Flores numerosi, simplices, axillares, in medio ramulorum, et sæpe terminales; pedunculis longissimis, coloratis, ad basin bracteis tribus instructis.
Calyx. Perianthium tetraphyllum; foliolis ovato-acuminatis, serrulatis.
Corolla urceolata, læte purpurea, glabra, lucida; laciniis equalibus, rotundis, patentibus, sub-reflexis.
Stamina. Filamenta octo capillaria; antheræ basi bicornes, inclusæ.
Pistillum. Germen tiaræforme, longum, sulcatum. Stylus filiformis, sub-inclusus. Stigma tetragonum.
Habitat ad Caput Bonæ Spei.
Floret a mense Aprili in Septembrem.