DESCRIPTIO.
Caulis sesquipedalis, gracilis, fruticosus, erectus.
Folia quaterna, linearia, obtusa, glabra, supra plana, subtus sulcata.
Flores plures, sessiles, in ramulis terminales, plerumque bini, horizontaliter siti; ad apices ramorum flores conferti in ramulis brevissimis, spicam formantes.
Calyx. Perianthium tetraphyllum; foliolis lato-ovatis, apice virescentibus, infra pallidioribus; bracteis duabus adpressis.
Corolla urceolata, lutea, glabra, ore arctata: laciniis rotundatis, reflexis.
Stamina. Filamenta octo, capillaria; antheræ aristatæ, inclusæ.
Pistillum. Germen tiaræforme, sulcatum. Stylus filiformis. Stigma tetragonum.
Habitat ad Caput Bonæ Spei.
Floret a mense Martio in Junium.