DESCRIPTIO.
Suffrutex bipedalis, caulis flexuoso-erectus, ramis adscendentibus, verticillatis, ramulis simplicibus, rigidis, irregulariter sulcatis.
Folia irregulariter verticillata, sed sæpius 5, 6, vel septena, horizontalia, vel parum recurvata et flexuosa, apicibus incurvis, rigida, et ad margines asperiuscula, sordide viridia, supra lineâ elevatâ, subtus sulcatâ, petiolis prælongis adpressis in sulculos ramulorum.
Flores fere terminales, in spicam dense verticillati, horizontales, pedunculis pubescentibus, tribracteatis.
Calyx tetraphyllus, foliolis inferne ovatis, sed superne longe acuminatis, viscosis, pubescentibus, subtus sulcatis.
Corolla tubulosa, brevis, inflata, instar Echium, saturate carnea, costata, viscosa, laciniis patentibus, rotundatis.
Stamina octo, capillaria; antheræ muticæ inclusæ.
Pistillum. Germen tiaræforme, lanuginosum, glandulis 8 nectariferis; stylus filiformis; stigma tetragonum.
Habitat ad Caput Bonæ Spei.
Floret a mense Februarii in Maium.