CHARACTER SPECIFICUS.
Erica, antheris muticis inclusis, corollis glutinosissimis, verticillatis, horizontalibus, pallide viridibus, semi-uncialibus, et costatis. Folia sena.
DESCRIPTIO.
Caulis erectus, bipedalis. Rami simplices, longi, verticillati.
Folia sena, linearia acuminata, glabra, læviter sulcata, patentia.
Flores sub apicibus ramorum conferti, verticillato-horizontales. Pedunculi breves, bracteis tribus calyci adpressis.
Calyx. Perianthium tetraphyllum, foliolis lanceolatis, viscosis, adpressis.
Corolla cylindrica, semi-uncialis, pallide viridis, glutinosissima, nitida et costata, oris laciniis parum reflexis.
Stamina. Filamenta octo, capillaria; antheræ muticæ, inclusæ.
Pistillum. Germen tiaræforme, sulcatum et superne sericeum. Stylus filiformis. Stigma tetragonum.