ERICA hirta, Var. viridiflora.
CHARACTER SPECIFICUS.
Erica, antheris aristatis, inclusis; floribus ternis, cylindraceis, viridibus; foliis ternis et quaternis, linearibus, obtusis, hirtis; caule erecto; ramis simplicibus.
DESCRIPTIO.
Caulis erectus, bipedalis, villosus; ramuli terni, verticillati.
Folia terna et quaterna, linearia, recta, obtusa, hirta, supra plana, subtus sulcata.
Flores in ramulis terminales, plerumque terni, patento-cernui; pedunculi brevissimi, bracteæ tres lanceolatæ, ciliatæ, longitudine calycis, adpressæ.