ERICA Plukenetia, albens.
CHARACTER SPECIFICUS.
Erica, antheris muticis, exertis, longissimis: floribus pendentibus: foliis ternis, fasciculatis.
DESCRIPTIO.
Caulis erectus, sesquipedalis, fruticosus: rami subsimplices, ramulis brevissimis tecti.
Folia terna, fasciculata, linearia, arcuata, acuta, glabra.
Flores subsolitarii, pendentes a ramulis, in medio ramorum crescentes, et spicam laxam formantes: pedunculis longis, bracteis tribus minutis ad basin instructis: corolla conica, exalbida, laciniis erectis.